Дәрі-дәрмекпен қамтамасыз ету басқармасы

Дәрі-дәрмекпен қамтамасыз ету басқармасы «Педиатрия және балалар хирургиясы ғылыми орталығы» АҚ-ның құрылымдық бөлімшесі болып табылады.

1985 жылғы ақпан айында алғашқы дәріхана ашылды. 2014 жылдан бастап Дәрілік қамтамасыз ету басқармасы құрылып, өз құрылымына екі бөлімшені біріктірді: Қор бөлімі және Дәрілік заттарды бөлудің орталықтандырылған бөлімшесі.

Басқарманың негізгі міндеттері:

• орталықты дәрілік заттармен, медициналық бұйымдармен, реагенттермен, дезинфекциялық құралдармен қамтамасыз ету мен ұйымдастыру;
• дәрілік терапияның, оның ішінде жанама әсерлердің тиімділігін мониторингтеу;
• барлық дәрігерлік тағайындауларды бақылау;
• дәрілік заттарды орталықтандырылған түрде тәулік бойы дайындап, науқастарға беру;
• емдеуші дәрігерлерге клиникалық фармакологтың фармакотерапияны таңдауға қатысты кеңес беруі;
• дәрілік заттар мен медициналық бұйымдардың қозғалысын қатаң есепке алып, жарамдылық мерзімдерін бақылау.

Стационар жағдайында дәрілік заттарды орталықтандырылған басқару жүйесін енгізу және жетілдіру арқылы жұмыстың негізгі қағидаттарына — қауіпсіздікке, тиімділікке және ұтымдылыққа — қол жеткізу бойынша оң нәтижелерге қол жеткізілді.

Кабинеттер ламинарлық шкафтармен, дайын ерітінділерге таңбалау мен стерильді тығыздау жасайтын жабдықтармен жабдықталған. Бұл шаралардың жиынтығы қызметкерлердің жұмысын барынша қауіпсіз етеді.

Басқарма құрамына келесі бөлімшелер кіреді:
• Қор бөлімі;
• Дәрілік заттарды бөлудің орталықтандырылған бөлімшесі

Басқарманың негізгі міндеттері:

• Орталықты дәрілік заттармен, медициналық бұйымдармен, реагенттермен, дезинфекциялық құралдармен қамтамасыз ету мен ұйымдастыру;
• Дәрілік терапияның тиімділігін, оның ішінде жанама әсерлерін мониторингтеу;
• Барлық дәрігерлік тағайындауларды бағалау;
• Дәрілік заттарды орталықтандырылған түрде дайындап, науқастарға тәулік бойы беру;
• Дәрігерлерге (клиникалық фармаколог арқылы) фармакотерапияны таңдау бойынша кеңес беру;
• Дәрілік заттар мен медициналық бұйымдардың қозғалысын қатаң есепке алу және бақылау, жарамдылық мерзімдерін мониторингтеу.

Жұмыс істеудің негізгі қағидаттары:
✅ Қауіпсіздік пен тиімділік

Дәрілік заттарды еріту процестері асептикалық жағдайда, халықаралық стандарттар мен Қазақстан Республикасының ұлттық нормативтік-құқықтық актілерінің барлық талаптарына сәйкес келетін арнайы жабдықталған бөлмелерде жүргізіледі.

Ламинарлық шкафтарды қолдану медицина қызметкерлеріне химиялық компоненттерден оқшауланып, олардың буларын тыныс алмай, көру және тері органдарын қорғау арқылы жұмыс істеуге мүмкіндік береді.

Бұл шаралар кешені персоналдың жұмысын барынша қауіпсіз етуге жағдай жасайды.

Пациенттер үшін де қауіп азаяды: арнайы дайындықтан өткен персонал; үш деңгейлі бақылау жүйесі — бұл дозаны есептеу мен препаратты дайындау кезінде қателіктердің туындау ықтималдығын барынша азайтады.

✅ Ұтымдылық және фармакоэкономика

Дәрілік заттарды орталықтандырылған түрде дайындау жүйесі препараттың дозасын есептеу және оны еріту кезінде кез келген дәлсіздіктердің туындау мүмкіндігін жоққа шығарады: әрбір пациентке дәрігер тағайындаған пропорциялар нақты сақталады. Бұл шығындарды үнемдеуге мүмкіндік береді, ал бұл қазіргі медицинада, әсіресе онкология сияқты салада өте маңызды, өйткені ісікке қарсы дәрілер ең қымбат препараттардың қатарына жатады.

Дәрілік заттарды орталықтандырылған дайындау жалпы дәрілік терапияның, антибиотикотерапияның және парентералды қоректендірудің құнын төмендетуге алып келеді (фармакоэкономикалық әсер), препараттарды ұтымды пайдалануға мүмкіндік береді, олардың күнделікті клиниканың нақты қажеттілігіне қарай шығынын есептеуге жағдай жасайды.

Нәтижесінде, жалпы емдеу құны едәуір азаяды, бюджет қаражаты үнемделеді және, тиісінше, көбірек науқастарды емдеумен қамту мүмкіндігі артады. Сонымен қатар, заманауи жабдықты қолдану арқылы дәрілік заттарды орталықтандырылған еріту медицина қызметкерлерін химиялық заттардың ықтимал зиянды әсерінен қорғайды.

«Дәрігер, фармацевт, пациент» деген үштаған қағидаты мен «пациент әрқашан бірінші орында» деген ұстанымның негізінде, қазіргі фармация саласындағы заманауи технологияларды қолдана отырып, үздіксіз дәрілік терапияны қамтамасыз ете отырып, «Педиатрия және балалар хирургиясы ғылыми орталығы» АҚ-ның Дәрілік қамтамасыз ету басқармасы біздің кішкентай науқастарымыздың сауығып кетуіне елеулі үлес қосып келеді.

Байланыс телефоны: 8 (727) 299 26 16

	Кожабекова Меруерт Мейрханқызы – Дәрілік қамтамасыз ету басқармасының басшысы. Жалпы еңбек өтілі – 15 жылдан аса. «Педиатрия және балалар хирургиясы ғылыми орталығы» АҚ-да кәсіби қызметін 2020 жылдан бастап атқарып келеді.
	Әлімжан Манат Болатқызы – Қор бөлімінің міндетін атқарушы меңгерушісі. Жалпы жұмыс өтілі – 7 жыл. «Педиатрия және балалар хирургиясы ғылыми орталығы» АҚ-да кәсіби қызметін 2022 жылдан бері атқарып келеді.
	Тұрлығожа Мадина Еркінбекқызы – Дәрілік заттарды орталықтандырылған бөлу бөлімінің міндетін атқарушы меңгерушісі, провизор. Жалпы жұмыс өтілі – 2 жыл. «Педиатрия және балалар хирургиясы ғылыми орталығы» АҚ-да кәсіби қызметін 2023 жылдан бастап атқарып келеді.
	Анарбаева Айжан Муталовна – Дәрілік заттарды орталықтандырылған бөлу бөлімінің клиникалық фармакологы. Жалпы жұмыс өтілі – 7 жыл. «Педиатрия және балалар хирургиясы ғылыми орталығы» АҚ-да кәсіби қызметін 2022 жылдан бастап атқарып келеді.
	Омарова Гүлбану Тұрсынқызы – дәрілік заттарды бөлудің орталықтандырылған бөлімшесінің аға мейірбикесі. Жоғары санатты мейірбике. Жалпы еңбек өтілі 30 жылдан астам. «ПБХҒО» АҚ-да 1987 жылдан бастап қызмет атқарып келеді.