Балалар анестезиологиясы-реаниматологиясындағы жаңа дәуір: ауыр жағдайларда ультрадыбыстық навигация.

Қазақстандық балалар реанимациясында ауыр жағдайларда пациенттерді диагностикалау және емдеу үшін ультрадыбыстық навигацияны енгізу бойынша ауқымды бағдарлама басталады. Ол - педиатрия үшін арнайы бейімделген FAST, BLUE, RUSH және т.б. халықаралық хаттамалар бойынша bedside-УДЗ (пациенттің төсегіндегі ультрадыбысты) қолданудың тұтас жүйесі.

16-17 тамыз күндері аралығында Атырау қаласында ҚР Денсаулық сақтау министрлігінің қолдауымен «Анестезиология мен реаниматологиядағы практикалық ультрадыбыстық зерттеу. УДЗ навигация арқылы тамырларға қол жеткізу. EFAST, BLUE, RUSH хаттамасы» тақырыбында халықаралық шеберлік сағаты өтті.

Екі күндік біліктілікті арттыру курсына 150-ден астам маман қатысты. Атап айтқанда, Батыс Қазақстанның дәрігер анестезиологтар мен реаниматологтары, УДЗ мамандары, сондай-ақ мейірбикелер қатысты.

Қатысушылар пациенттерді диагностикалау мен емдеу сапасын жақсарту үшін өздерінің клиникалық тәжірибесінде қолдана алатын құнды білім мен практикалық дағдыларды меңгерді.

Курс практикалық ультрасонографияны, шұғыл диагностикалық хаттамаларды, УДЗ-навигациямен тамырлы тәсілді қолдануға арналды.

Бұл қандай жүйе?

Бағдарлама мыналарды қамтиды:

• Әрбір реанимациядағы және көшпелі бригадалар құрамындағы портативті УД-аппараттар.
• Стандартталған FAST алгоритмдері (жарақат кезінде жылдам бағалау), BLUE (тыныс алу жеткіліксіздігінің диагностикасы) және RUSH (шок себептерін бағалау).
• Инвазивті араласулардағы УДЗ-навигация – катетерлерді, дренаждарды, кескін бақылауындағы пункцияларды орнату.

- «Бұл жай ғана аппаратпен жұмыс істеуді үйрену емес, дәрігерлердің «бір тілде» сөйлеуі және нақты қадамдармен әрекет етуі үшін бірыңғай хаттамалық тәсілді құру. Бұл не үшін қажет? Біріншіден, бұл жарақат, жаппай қан кету, тыныс алу бұзылыстары кезінде диагноз қою уақытын қысқартуға мүмкіндік береді — сағаттан минутқа дейін, екіншіден, бұл табылғандарды визуалды растау арқылы қателіктер қаупін азайту, үшіншіден, ОРТАЛЫҚ ЖӘНЕ ПЕРИФЕРИЯЛЫҚ ТАМЫРЛАРДЫҢ пункциясы мен катетеризациясы кезінде асқынулардың төмендеуіне әкеледі. Осының барлығы балалардың өміршеңдігінің артуын қамтамасыз етеді, әсіресе шок жағдайында»,-деп атап өтті м.ғ.к., ҚР ДСМ Бас штаттан тыс балалар анестезиолог-реаниматологы Гүлшат Әлімханова.

Халықаралық зерттеулерге сәйкес, педиатриялық реанимацияда bedside-УДЗ қолдану ауыр жағдайларда өлімді 20-30% төмендетеді.

Енгізу қалай жүзеге асырылады?

1. Бөлімшелерді жабдықтау – педиатриялық датчиктері бар портативті УД-аппараттарды сатып алу.
2. Дәрігерлерді оқыту – теория, тренажерлер, пациенттің төсегіндегі тәлімгерлік, сертификаттау.
3. Төтенше жағдайда – FAST/BLUE/RUSH хаттамаларын енгізу.
4. Мониторинг және аудит – тиімділікті үнемі талдау және клиникалық жағдайларды талдау.

Нәтижесінде не күтеміз?

• Әрбір реанимациялық топ 2-5 минут ішінде пациенттің жай-күйінің толық бейнесін бере алады.
• Инвазиялық араласулардағы асқынулардың саны 40-50%-ға азаяды.
• Емдеу тактикасы туралы шешімдер тезірек және дәлірек қабылданады, бұл әсіресе педиатрияда өте маңызды, мұнда әр минут өмірді сақтап қалуы мүмкін.
• Қазақстан bedside-УДЗ балалар медицинасында алтын стандарт болып табылатын елдердің қатарына кіреді.

Шеберлік сағаты аясында ҚР ДСМ-нің Бас штаттан тыс балалар анестезиолог-реаниматологы Гүлшат Әлімханова Атырау қаласы Облыстық балалар ауруханасын аралап, анестезиология және реанимация бөлімшесіндегі балаларды қарап, өз кеңе-ұсыныстарын берді. Сондай-ақ, өңірлік дәрігерлер-балалар анестезиолог-реаниматологтарымен бірлесіп ағымдағы проблемалар мен оны шешу жолдары талқылады.

Шарның ұйымдастырушылары:

«Анестезиолог-реаниматологтар федерациясы» РҚБ,

Педиатрия және балалар хирургиясы ғылыми орталығы,

«Аймақтық анестезия және интервенциялық ауырсынуды емдеу қоғамы» ҚБ,

POCUS KAZAKHSTAN & POCUS MOSCOW.